АНУ-ын шинээр сонгогдсон ерөнхийлөгчийн тангараг өргөх ёслолын ажиллагаа 2021 оны 1 дүгээр сарын 20-нд болохтой холбогдуулан энэ 7 хоногийн сүүлээс эхлэн АНУ-ын нийт мужийн нийслэл хотуудад олон нийтийг хамарсан эсэргүүцлийн цуглаан болж болзошгүй байгааг суугаа орны хэвлэл мэдээллээр анхааруулж байна.
Иймд АНУ-д оршин суугаа иргэд ойрын өдрүүдэд илүү сонор сэрэмжтэй байж, олон нийтийн газраар явахаас зайлсхийх, аливаа жагсаал цуглаанд оролцохгүй байхыг хүсье. Түүнчлэн Вашингтон ДиСи хотын зарим гудамжны хөдөлгөөнийг 1 дүгээр сарын 15-наас 21-ний өдрүүдэд хаасан тухай мэдээлэл хэвлэлээр гарч буйг анхаарна уу.